Day 10 / 31. December 2015

 S Projekt vom hütige Morge isch Zopf bache gsi...

Deheim isch das e 0815 Arbeit, aber do in Amerika isch das ä heavy Job.
Die erschti Useforderig ha ig bereits im Supermarkt gha. D Frog isch gsi, weles Mehl s richtige isch. Gits doch ganz verschiedeni, aber nid wie Deheim verschiedeni Kornmischige, nei es si verschiedeni Backmischige, mit Backpulfer, mit Zucker, für Muffins, für Pancakes und und und...Jrgendwenn ha ig es gwöhnlichs purs Wissmeh gfunge.
De ha ig Hefe gsuecht. Ha doch nid gwüsst was as heisst. D Jess het mir ghoufe...Yeast isch das wo ig bruche, es git aber nume Trochehefe do.
Ja guet, d Zuetate hät ig de aui gha... aber die Umwandlig vo Pound i Kilo und onze i Gramm het mir scho chli dr Chopf zerroche...Uf jedefau ha ig de e Teig gha und ha me lo überrasche... 

 

 Mamau, das gseht gar nid so schlächt us...

 

 

Kritisch het d`Jill mini Arbeit im Blick...

 

 

 Mmmmh, wenn dä so guet isch wie ner usgseht, denn isch das Projekt würklich glunge!!!

 

Bade im Pool a Silvester isch scho öpis bsungerigs...

Dr Nomittag hei mer am Lido Beach verbrocht und und hei nachem Bade no chli de Lädeli noche gflaniert, de hei mer sogar no dr Christoph Kolumbus atroffe.

 

Glace ässe het nid dörfe fähle...

Nina, ig säge Dir... das wär genau üse Lade...

Marc`s nöischte T-Shirt...

Dr Änglisch Ungerricht isch de im Outo witer gange, si ei dr nöischt Film vo Planes uf Änglisch dörfe luege...

D'Andrea het bi irem letzsche Ichouf ufe erst Blick ä CD gse u grad müesse choufe, di is cool, weis öper was das für nä CD isch? (Kommentar im Blog)...

Äm Abe het ds feine Steak uf em Grill nid dörfe fähle. Es isch eifach super gsi...

So, bi üs isch es jetzt 23:59 u mir wünsche aune es guets Neus, viu Erfoug, Spass, Gmeinsami Stunge, Gsundheit uno viu meh im neue Jahr... Happy New Year!!!!!!!!!