Day 7 / 28. December 2015

Hüt am Morge hei mer üs ufe Wäg gmacht is Landesinnere. Öpe nach eire Stung Fahrt, si mer nach Arcadia cho. Das isch ä Famerstadt.

 

 

Orange-, Grapefruit-, Zitrone- und Mandarine- Plantgage, sowit wie mer chöi luege...

 

D Bäum hange vo zoberscht bis zungersch vou vo riefe Frücht. Jetz isch Hauptärntezit. Mit riese grosse Lastwäge, wärde die früsch abgläsne Frücht id Fabrik brocht, wo Saft, Konfi und angeri feini Produkt gmacht wärde.

 

 

Bim Joshua, uf sire Farm hei mer i sim Hoflade die guete Sache chönne probiere und natürlich au poschte.

Isch jo klar gsi, dass dr Marc die gröschte Frücht het gfunge...

D Uswahu isch gross und mer hei üs fascht nid chönne entscheide.

Uf Änglisch gänggele chöi mer scho...

U was mer kauft hei, das probiere mer sofort.
D Wahu wo mer hei troffe isch guet gsi.

Sogar ufe Usfug het em Tim sis nöie Longboard mit müesse...

Dr Nomittag hei mer de am Turtle-Beach verbrocht. Obwohu dä Strand nume knapp 5 km südlicher isch aus dr Siesta Key, wo mer vor paar Tag si gsi, gits doch dütlichi Unterschiede. S Wasser isch wärmer, dr Strand schmau und dr Sand isch chörnig und dunku.
Egau, wies usgseht, dr Spass im und am Wasser isch gross.

 

Tschüss zäme, bis nöchts mau...